छत्तीसगढ़ी करमा गीत (हाय रे मोर उलुहा पान)

लड़का - 

हाय रे ss हाय रे ss हाय रे हाय रे हाय

हाय रे मोर उलुहा पान, जइसे लुरे बाली कान

(तन म भरे साँस समान)

हाल डोल के तँय ह हरियाबे

हाल डोल के तँय ह हरियाबे sss येsss

हाल डोल के तँय ह हरियाबे।

लड़की -

हाय रे ss हाय रे ss हाय रे हाय रे हाय

हाय रे मोर कुंवर पान, बन अंतस बसे परान

कभू झिन न तँय ह अइलाबे

कभू झिन न तँय ह अइलाबेssss येsss

कभू झिन न तँय ह अइलाबे।

अंतरा :- लड़का -

तोर बिना जिन्गी सूना , तोला मँय बचाहूँ या -2

पुरवाही लेहे बर , तोला मँय जगाहूँ या -2

जिया नहीं जाय रे, तन थरथराय रे ss हाय रे sss

हाय रे मोर उलुहा पान, जइसे लुरे बाली कान।

हाल डोल के तँय ह हरियाबे।

लड़की - 

राख लेबे मोला बने, संग देहूँ तोर छांव गा -2

सेवत रहिबे मोला बने, रंग लेहूँ मोर नाव गा -2

मया रच जाय रे, जिन्गी तर जाय रेss हाय रेsss

हाय रे मोर कुंवर पान, बस अंतस बसे परान।

कभू झिन न तँय ह अइलाबे।

लड़का - हाय रे मोर उलुहा पान, जइसे लुरे बाली कान।

            हाल डोल के तँय ह हरियाबे।

लड़की - हाय रे मोर कुंवर पान, बन अ़तस बसे परान।

            कभू झिन न तँय ह अइलाबे।

लड़का - हाल डोल के तँय ह हरियाबे।

लड़की - कभू झिन न तँय ह अइलाबे।

*******************************************

रचना :- तेरस कैवर्त्य "आँसू"

           सोनाडुला, (बिलाईगढ़)

          जिला - बलौदाबाजार (छ. ग.)

          संपर्क नं. - 9399169503, 9265720460

         ईमेल - aansukai4545@gmail.com