* आगिस भादो कुवांर महीना *

आगिस भादो के महीना।
गिनावत थे जम्मो के महिमा।
     सावन आइस हरेली लेके जटाधारी।
      आगिस कमरछट कन्हैया के झुलानी।
धो मांज के बइला ल सजाबोन।
पूजा कर सांझी पोरा पटकाबोन।
      भाँटो के देख अंतस अकुलागे।
      तीजा ल बहिनी के लेनहार आगे।
निरजला उपास रहिथे करु भात खाके।
फरहार करे बर घेरी-बेरी बेरा ल ताके।
      हमर लाज के रखइया हे गणराज।
      घर गली चउक म करय बिराज।
कुँवार जोत जले गाबोन नवराति।
माता के भुवन सजे बिहान संझाती।   
      कांसी फूल गे चुंदी सादा लागे।     
      लगतथे अइसन बरखा बूढ़ागे। 
धान के कोरा म पोटरी सिरजागे।
खुशी के "आँसू" आँखी म आगे।


         तेरस कैवर्त्य "आँसू "
        सोनाडुला,(बिलाईगढ़)
       मोबा.- 9165720460
email - aansukai4545@gmail.com