पीरा मया के

Created:- TERAS KAIWARTYA(Aansu)
Date :- 18/07/2005 , * पीरा मया के *
~~~~~~~~~~~~~~~~~~~~~~~~~~~~
     ये मन बिरथा,
     तय हर भूला जा ओला रे।
     काबर घेरी - बेरी सुरता ल करस।
     ये करम फूटगे ,
     बाचय नई अब तो चोला रे ।
     भभके आगी अंगरा अंतस म जरस ।

     तोर अंतस म पीरा भरे हे ,
     सुध लगाये सब्बो बेरा म , हो ...
     बैरी बना देहे मोला रे संगी ,
     मुरछ चलय तोर डेरा म ,
     कोन गोहराव काला बतावव - 2
     ए आँसू  के रोना रे ,
     करलइ होवव करय नई कोनो ये तरस।
     ये मन बिरथा ..................

     सकलाये तय पांखी मयारु ,
     मोर मोहनी ये हीरा रतन , हो ...
     छोर के टाटी मन के मोरे ,
     जोरे मया दूसरे के संग ,
     जा निरमोही मया छोर के डोरी -2
     सजे हवय तोर डोला रे ,
     सुग्घर जीबे संगी बने जिंगी ल गढ़त ।
     ये मन बिरथा ...................

        रचनाकार :- तेरस कैवर्त्य (आँसू )
                      सोनाडुला , (बिलाईगढ़)
                    मोबाइल - 9165720460
                                  7770989795