* मोला रंगा ले *

Created by :- Teras Kaiwartya*Aansu*
Date :- 13/10/2014  
~~~~~~~~~~~~~~~~~~~~~~~~~~~
मोला रंगा ले रंग म ओ।
मोला रंगा ले संग म ओ।
मया म होगेव तोरे दीवाना,
बसा ले न अंग-अंग म ओ।
      माथ के टिकली,चमकत बिजली ।
      मांगे म मोती सजा ले।
      कान म बाली, ओठ के लाली।
      गजरा बेनी म बनाले।
      अचरा म बांध ले झिन भूलाबे।
      लगा ले जम्मो रतन म ओ।
मया म होगेव तोरे दीवाना।
बसा ले न अंग-अंग म ओ।
      मया के पैंरी, बजाले खुन-खुन।
      हाथ के बन जाथे कंगना।
      सोलह सिंगार तय मोरे अधार।
      आबे रानी मोरे अंगना।
      आनी-बानी दिखा के सपना।
      रचे हावस मोरे मन म ओ।
मया म होगेव तोरे दीवाना।
बसा ले न अंग-अंग म ओ।
मोला रंगा ले रंग म ओ।
मोला रंगा ले संग म ओ।
           तेरस कैवर्त्य "आँसू "
         सोनाडुला, (बिलाईगढ़)